Gweithdy

Gweithdy deuddydd printio chine-collé gyda Marian Haf

Sadwrn 31 Mai a Sul 1 Mehefin 10.30am–4pm £115 yn cynnwys yr holl ddefnyddiau, te a choffi

Gallwch archebu drwy Eventbrite yma

Yn y gweithdy deuddydd hwn byddwn yn trawsffurfio defnyddiau pecynnu cartref yn brintiau chwareus gan ddefnyddio hud a lledrith creu printiau. Bydd y diwrnod cyntaf yn canolbwyntio ar greu printiau intaglio, cerfweddol a boglynnog. Neilltuir yr ail ddiwrnod i ychwanegu lliw a gwydredd gyda chine-collé (ffurf ar ludweithio a glynu papurau wedi’u canfod a’u creu ar brintiau). Addas ar gyfer dechreuwyr a gwneuthurwyr printiau mwy profiadol, mae’r gweithdy hwn yn ardderchog ar gyfer addysgwyr gan ei fod yn trosi’n dda i’r ystafell ddosbarth.

– Ar ddiwedd y ddau ddiwrnod, byddwn wedi dysgu:
– Sut i baratoi a throsi delwedd i golagraff intaglio a cherfweddol a deall y gwahaniaethau.
– Sut i drin a thrafod defnyddiau pecynnu gydag offer a thechnegau gwahanol er mwyn sicrhau amrywiad tonyddol a chreu marciau llinol cyferbyniol.
– I incio plât ar gyfer intaglio a cherfwedd hefyd a sut i gyfuno’r ddau.
– Pa bapurau i’w dewis a sut i’w paratoi ynghyd ag iawnlinio plât ac arfer gweithio da er mwyn cael canlyniad glân yn printio gyda gwasg
– Dylunio, creu, incio a phrintio casgliad o brintiau gwreiddiol gan ddefnyddio incio intaglio a cherfweddol hefyd gyda chine-collé.

Bydd Marian yn gallu ateb cwestiynau yn y Gymraeg a’r Saesneg.